Նոր տեղեկություն ..Քիչ առաջ Մանվել Գրիգորյկանի փաստաբանն ասաց, որ նա հիվանդանոցում..



ԱԺ նախկին պատգամավոր, գեներալ Մանվել Գրիգորյանը շարունակում է մնալ հիվանդանոցում, Aysor.am-ի թղթակցի հետ զրույցում ասաց Գրիգոյանի պաշտպան Արսեն Մկրտչյանը։


«Դեռ հիվանդանոցում է։ Հարազատներին արգելում են տեսակցել։ Այս 8 ամսվա ընթացքում հարազատներին հազարից մեկ են թույլատրել տեսակցել», – ասաց Մկրտչյանը։


Պաշտպանի խոսքով՝ վարույթն իրականացնող մարմինն ամեն ինչ անում է, որ Մանվել Գրիգորյանի կալանքը տարբերվի ուրիշների կալանքներից։


«Հեռախոսազանգերը, տեսակցությունները նմանատիպ հոդվածներով որպես կանոն բաց են լինում, երբ նախաքննությունն արդեն 8 ամիս ընթանում է։ Բայց տվյալ դեպքում խնդիրն այն չէ, որ նախաքննությունն ինչ-որ քրեադատավարական գործողություններ իրականացնի, այլ խնդիրը դրված է այնպես, որ հնարավորինս շատ անհարմարություն ստեղծվի, ցուցադրաբար արվի, թե տես, մեկ ուրիշի համար կարելի է, իսկ քեզ՝ չի կարելի։ Ենթադրում եմ, որ գլխավոր դատախազության ցուցումով և «դաբրոյով» է արվում այս ամենը», – ասաց Արսեն Մկրտչյանը։


Հիշեցնենք՝ դեկտեմբերին Մանվել Գրիգորյանը 25 միլիոն գրավի դիմաց ազատ արձակվեց «Երևան-Կենտրոն» քրեակատարողական հիմնարկից։ Ավելի ուշ Վերաքննիչ քրեական դատարանը բավարարեց դատախազության բողոքը, և նա կրկին կալանավորվեց։


Ավելի վաղ տեղեկացրել ենք, որ Մանվել Գրիգորյանի պաշտպանները նոր միջնորդություն են ներկայացրել Գրիգորյանին գրավի դիմաց կալանքից ազատ արձակելու վերաբերյալ:


«Ինչպես ասում են՝ обыкновенный фашизм։ Սովորական ընթացքով մակագրվել է Մարինե Մելքոնյանին, որը, բնականաբար, կայացնելու է այնպիսի որոշում, ինչպիսին կայացրել է նախկինում՝ Մանվել Գրիգորյանին թողնելու է կալանքի տակ։ Բայց մենք կալանքը գրավով փոխարինելու միջնորդությունները ներկայացնելու ենք այնքան ժամանակ, մինչև մեկ այլ ադեկվատ կամ քիչ թե շատ անկախ դատավորի մոտ հայտնվի գործը», – ասաց Արսեն Մկրտչյանը։